Ofnbakað grasker með salvíu, fetaosti, stökkum valhnetum og graskersfræjum

19 Nóvember 2026

Ofnbakað grasker með salvíu, fetaosti, stökkum valhnetum og graskersfræjum

Dásamlega bragðgott og hátíðlegt salat sem sameinar sætt, salt, stökkt og ferskt. Fullkomið sem glæsilegt meðlæti á hátíðarborðið eða sem léttur og ljúffengur aðalréttur.

1 box salatblanda VAXA
1 box klettasalat VAXA
1/2 butternut-grasker
2 msk. ólífuolía
1 box fersk salvía VAXA
100 gr fetaostur
1/3 bolli valhnetur
Graskersfræ eftir smekk
1 msk. hlynsíróp eða akasíuhunang
Granateplafræ eftir smekk
Salt og pipar

Stökkar valhnetur og graskersfræ
Valhnetur
Graskersfræ
Fersk salvía, smátt söxuð
Hlynsíróp eftir smekk
Smá ólífuolía
Salt

Berjadressing
4 msk. ólífuolía
1 msk. berjasulta
1 msk. hvítvínsedik eða eplaedik
Salt og nýmalaður pipar eftir smekk

Aðferð
Setjið ólífuolíu, berjasultu og edik í litla skál.

Kryddið með salti og pipar.

Hrærið vel saman þar til dressingin hefur blandast vel.

Hellið dressingunni yfir salatið rétt áður en það er borið fram.

Aðferð

Hitið ofninn í 200°C.

Skerið graskerið í sneiðar eða báta og raðið á bökunarplötu með bökunarpappír.

Dreypið ólífuolíu yfir og kryddið með salti og pipar. Bætið ferskum salvíublöðum saman við.

Bakið í 25–35 mínútur eða þar til graskerið er orðið mjúkt og fallega gyllt.

Stökkar valhnetur og graskersfræ

Hitið smá ólífuolíu á pönnu.

Bætið valhnetum, graskersfræjum og smátt saxaðri ferskri salvíu á pönnuna.

Steikið við meðalhita þar til hneturnar og fræin eru farin að ristast og fá fallegan lit.

Bætið hlynsírópi út á pönnuna og blandið vel saman.

Kryddið með salti og leyfið öllu að karamelliserast örlítið. Takið af hitanum og látið kólna.

Samsetning salatsins

Dreifið Vaxa salatblöndunni og klettasalatinu á stórt og fallegt fat.

Raðið ofnbökuðu graskersbátunum yfir salatið.

Myljið fetaostinn yfir.

Dreifið stökkum valhnetum og graskersfræjum yfir salatið.

Toppið með granateplafræjum og ferskum salvíublöðum.

Ber